Ushindi wa DK MAGUFULI: Msanii WEMA SEPETU Aangusha Dua ya Nguvu Dar [+PICHAZ]

IMELDA MTEMA

WEMA Sepetu ‘Madam’ ameangusha dua ya nguvu nyumbani kwake Kijitonyama jijini Dar ikiwa ni maalum kwa ajili ya kumshukuru Mungu kwa ushindi wa rais mteule wa awamu ya tano wa Jamhuri ya Muungano wa Tanzania, Dk. John Pombe Magufuli.

 

Dua hiyo ilifanyika juzi na kuhudhuriwa na wasanii mbalimbali walioshiriki kwenye kampeni za Chama cha Mapinduzi (CCM) ambapo baada ya kumalizika kwa dua hiyo pamoja na kula chakula, Madam alisimama na kuzungumza:

“Wasanii wenzangu wakumbuke kusoma dua kila Mungu anapowabariki kufanikisha mambo yao. Namshukuru sana, tumezunguka nchi nzima, Mungu katuepusha na ajali na pia mgombea wetu Magufuli ameshinda.” Miongoni mwa wasanii waliohudhuria shughuli hiyo ni pamoja na Snura Mushi, Steven Mengere ‘Steve Nyerere’ na Fatuma Makongoro ‘Bi. Mwenda’.