THEA WA BONGO MUVI AFURAHIA MAISHA NJE YA NDOA!

Brithon Masalu
Kutoka moyoni! Staa wa sinema za Kibongo, Salome Urassa ‘Thea’ amefunguka kuwa anafurahia maisha anayoishi bila ndoa kwani anafanya mambo kwa uhuru na hana msongo tofauti alivyokuwa akiishi kwenye ndoa na aliyekuwa mumewe, Michael Sangu ‘Mike’.

Staa wa sinema za Kibongo, Salome Urassa ‘Thea’.

Akizungumza na Ijumaa Wikienda kwa njia ya simu wikiendi iliyopita, Thea ambaye kwa sasa anapatikana kwenye Kundi la Sanaa la Kaone, alisema hakuna kinachomuumiza kuishi bila mume kwani ni mtu ambaye wamekutana ukubwani hivyo kuachana ni jambo la kawaida.
“Nafurahia sana maisha bila ndoa, sina stress (mawazo) kama zamani, nafanya mambo yangu kwa uhuru mkubwa na simuwazii mtu kabisa tofauti na kwenye ndoa, mara sijui umuwazie mtu mzima mwenzako, mara sijui vile, acha nitafune maisha,” alisema Thea.