Uliwahi kusikia tetesi za Blatter kutompenda RONALDO, Mrembo Irina Shayk atajwa kuwa sababu....Stori kamili ipo hapa mdau..!

 Mambo yanazidi kumuendea vibaya Raisi wa FIFA, Sepp Blatter. Ikiwa imepita siku kadhaa tu tangu atangaze kwamba ataachia ngazi kwenye uongozi wa taasisi hiyo ya masuala ya soka kutokana tuhuma za rushwa kuzidi kuiandama taasisi hiyo. 

Leo hii zimetoka taarifa nyingine ambazo zimeibua tetesi za siku nyingi kwamba Raisi huyo wa FIFA alikuwa hana uhusiano mzuri na mwanasoka bora wa dunia Cristiano Ronaldo. 

Gazeti lenye heshima kubwa nchini Spain – El Mundo limeripoti kwamba aliyekuwa mchumba wa Ronaldo, Irina Shayk alikuwa na mahusiano ya kimapenzi na Sepp Blatter katika vipindi viwili tofauti. 

El Mundo linaripoti kwamba Blatter alikuwa na mahusiano ya muda mrefu na Mrembo huyo wa kirusi, baada ya kuachana na mcheza tenis Ilona Boguska lakini kabla ya kukutana na mwanamama  Linda Barras, 50. 

Cristiano Ronaldo na Irina Shayk wakati wa mahusiano yao

Habari hiyo ya Irina na Blatter imeandikwa kwenye na mwandishi wa gazeti la El Mundo Rosalia Sanchez

 Anaelezea kwamba taarifa hiyo ya siri ya mahusiano ya Irina na Mzee Blatter ilipata kutoka kwa chanzo chake cha kuaminika wakati anafanya uchunguzi wa taarifa za rushwa na mahusiano zinamhusu boss huyo wa FIFA. 

Uhusiano wao inasemekana ulianza mwaka 2002, wakatengana na kuja kuendelea tena mwaka 2014, wakati Irina akiwa bado na mahusiano na Cristiano Ronaldo ambaye walianza mwaka 2010 mpaka mwanzoni mwa mwaka huu walipotangaza kuachana. 

Taarifa ya mahusiano ya Blatter na Irina pia imeripotiwa katika vyombo vya habari vya nchi za Peru, Portugal, Mexico na Vietnam pamoja na kwenye mitandao ya kijamii..

Msemaji wa Irina Shayk alipoulizwa juu ya tuhuma hizi, hakujibu lolote. Hii ni kwa mujibu wa Dailymail ya Uingereza.