HATIMAYE MABASI YA MWENDO KASI KUANZA KAZI RASMI MWEZI DESEMBA JIJINI DAR

Mabasi ya mwendokasi yatakayofanya  kazi eneo la Morogoro Road kuanzia Kimara mpaka Kivukoni jijini Dar es Salaam.
Mabasi hayo wakati yanawasili Bandarini jijini Dar.

Mkurugenzi mkuu wa wa mradi wa mabasi yaendayo kasi UDA-RT,  Bw. Robert Kisena ambaye pia ni Mwenyekiti wa Kampuni ya Usafiri Dar es Salaam  amesema mabasi ya mwendokasi yataanza kufanya  kazi rasmi mwezi Desemba kwenye Barabara ya  Morogoro kuanzia  Kimara mpaka Kivukoni.
Mabasi hayo tayari yameshawasili hapa nchini, kitu kilichobakia ni kuweka mfumo wa kieletroniki utakaokuwa unajiendesha wenyewe wa kulipa nauli kwa abiria.
Amesema pia tani kumi ya mageti yatakayowekwa kwenye sehemu abiria watakapopandia mabasi hayo, yamewasili nchini jumatano ijayo, yataanza kufungwa siku yoyote na ujenzi huo utamalizika ndani ya wiki tatu.
Mpaka sasa UDA-RT imepokea mabasi 140, mabasi 101 kati ya hayo yana uwezo wa kubeba abiria 150, yaliyobaki yana uwezo wa kubeba abiria 80 tu. Mradi huo utasaidia na kurahisisha adha ya usafiri Jijini Dar.