Steve NYERERE: Nitakuwa mbunge ombaomba!

Mchekeshaji maarufu, Steven Mengere ‘Steve Nyerere’.

Brighton Masalu

MCHEKESHAJI maarufu, Steven Mengere ‘Steve Nyerere’ amesema atakuwa mbunge ombaomba kwa wadau, serikali na mashirika binafsi katika kutatua matatizo mbalimbali ya Jimbo la Kinondoni. 

Akizungumza na mwandishi wetu hivi karibuni, msanii huyo alisema ana uzoefu wa kuomba, hivyo hataona haya kutumia kipaji chake cha kushawishi katika kuomba mafanikio na anaamini yeye ni jibu sahihi kwa wananchi wa Kinondoni.

“Mimi nina ushawishi mkubwa sana, hivyo nitatumia kipaji hicho kuishawishi serikali, wadau na mashirika ya umma kuomba misaada mingi, hakika nitakuwa mbunge ombaomba,” alisema Nyerere.