Idriss wa BBA: Naanza Kufulia!

Brighton Masalu

MSHINDI wa Big Brother Hotshots 2014, Idriss Sultan amesema licha ya kupata fedha nyingi aliposhinda, lakini hivi sasa anaanza kuishiwa hivyo analazimika kuwa na nidhamu juu ya matumizi yake ya fedha. 

Akizungumza wakati wa hafla ya wasanii na Rais Kikwete hivi karibuni, Idriss alisema mwanzoni aliziona kama ni pesa nyingi, lakini kutokana na wingi wa majukumu na matumizi mbalimbali, sasa anakiri ‘burungutu’ hilo linaanza kusinyaa kila kukicha. 

“Unajua pesa inayotumika haiwezi kubaki kama ilivyo, kwa sasa lazima nikiri kuwa ni lazima niwe makini sana na matumizi yangu, pesa inaanza kupungua, zamani nilikuwa nachukua bila kuhesabu, lakini sasa hivi kila nikivuta droo ni lazima nihesabu, ‘zinakata’,” alisema Idriss huku akicheka.