HATIMAYE MLINZI WA DK. SLAA AFUNGUKA KUHUSU KUTAKA KUMUUA BOSI WAKE

Katibu Mkuu wa Chama cha Demokrasia na Maendeleo (Chadema) Dk. Willbroad Slaa.

KHALID Hamada Kangezi aliyekuwa mlinzi wa Katibu Mkuu wa Chama cha Demokrasia na Maendeleo (Chadema) Dk. Willbroad Slaa, amekanusha taarifa iliyotolewa na viongozi wa chama hicho kwamba alitaka kumdhuru kiongozi huyo na akasisitiza yeye ndiye aliyenusurika kifo baada ya kufungiwa chumbani kwa zaidi ya saa sita na viongozi wa chama hicho wakiwa wanamsulubu akiwa uchi wa mnyama. 

Amesema alifanyiwa hivyo akishinikizwa asaini karatasi ya maelezo kuwa ana njama na watu wa usalama wa taifa (TISS) kutaka kumpa sumu Dk. Ambapo alisaini karatasi hiyo ili asiuawe kwani tayari kulikuwa na begi lenye visu vilivyoonekana kutaka kutumiwa dhidi yake. 

Juzi uongozi wa Chadema ulitoa taarifa kwamba mlinzi huyo anahusika pamoja na watu wengine, wakiwemo viongozi wa Chama Cha Mapianduzi (CCM) na Usalama wa Taifa  katika njama za kumdhuru na kumuua Dk. Slaa.