MSHTUKO! KANISA LA MCHUNGAJI JOSEPHAT GWAJIMA KAWE LATAKIWA KUVUNJWA

Mchungaji Mchungaji Josephat Gwajima

Nakala ya barua kutoka kwa Meneja wa Mkoa wa Kinondoni wa NHC.

KANISA la Mchungaji Josephat Gwajima  lililokuwa likiendesha shughuli katika viwanja vya Tanganyika Packers  Kawe, wilaya ya Kinondoni, jijinI Dar limeamriwa kuondoka eneo hilo.

Kanisa hilo ambalo kwa muda mrefu  limekuwa likiendesha shughuli zake eneo hilo limedaiwa kusababisha usumbufu na kero kubwa za makelele kwa wakazi wa maeneo hayo. 

Barua iliyosainiwa na Meneja wa Mkoa wa Kinondoni wa Shirika la Nyumba  la Taifa,  B.N. Masika, imesisitiza kwamba pamoja na kutambuliwa umuhimu wa kanisa hilo kuendesha  shughuli zake shirika hilo  halitaweza kutoa ruhusa  kwa  kanisa hilo kuendelea kufanya  mahubiri katika viwanja hivyo,kwani shirika hilo limeshaanza  kutumia viwanja hivyo kwa maendeleo ya wananchi wa Kawe ikiwa ni ujenzi wa makazi  n.k  

Barua hiyo imetoa 30  zinazoishia tarehe 9 Machi mwaka huu  ili Mchungaji Gwajima ajitayarishe kuondoka eneo hilo.