KIMENUKA MBAYA: Mke Acharuka! Dude, Ester Wa Bongo Movies Walazimishwa Kupima NGOMA!

Kulwa Kikumba ‘Dude’ akichukuliwa damu kwa ajili ya vipimo.

Deogratius Mongela na Chande Abdallah

NOMA! Waigizaji wa filamu za Kibongo, Kulwa Kikumba ‘Dude’ na Ester Kiama ambao wanaripotiwa kama wapenzi, hivi karibuni walilazimishwa kwenda kupima afya, ikiwa ni sharti lililotolewa na mke wa muigizaji huyo ili aweze kurejea nyumbani baada ya kuondoka kwa wazazi wake.

Ester Kiama naye akichukuliwa damu kwa ajili ya vipimo.

Chanzo makini cha gazeti hili kimedokeza kuwa mke wa Dude, Eva aliondoka nyumbani kwa mumewe baada ya kutokea mzozo kuhusiana na uhusiano wake wa kimapenzi na Ester, jambo ambalo muigizaji huyo kinara wa Bongo Dar es Salaam amekuwa akikataa mara kwa mara.

Inadaiwa kuwa Dude amekuwa akifanya juhudi kubwa kumrejesha mkewe nyumbani, kitu ambacho alifanikiwa, lakini akipewa sharti kuwa ni lazima kama kweli wamechepuka na hawakutumia kinga, wapime ngoma na majibu apewe kuthibitisha ubora wa afya yake.

Ili kuhakikisha anamrejesha mkewe kwenye himaya yake, Dude alimshawishi Ester kwenda kupima afya zao, zoezi lililofanyika kwenye zahanati moja iliyopo Magomeni, jijini Dar es Salaam siku ya Sikukuu ya Nanenane.

Dude alithibitisha kupata vipimo vya afya katika zahanati hiyo baada ya kuulizwa, lakini akakanusha kama zoezi hilo lilitokana na shinikizo kutoka kwa mke wake.
“Ester alikuwa ananipa tu kampani, lakini mimi ni kawaida yangu kucheki afya, nashukuru Mungu majibu ni mazuri ila uzito ndiyo mkubwa nina kg 110, nimeshauriwa nipunguze uzito,” alisema Dude
Mkewe hakuweza kupatikana mara moja kuzungumzia suala hilo.